Sister Act, Musikala

Broadway-en bedeinkapenarekin, SISTER ACT MUSIKALA iritsiko da Bilbora.
SISTER ACT, arazoak alde batera uzteko eta bekaturik osasuntsuenari eta beharrezkoenari eskaintzeko primerako musikala da. Senide maiteok, gozatzeko unea iritsi da!

Superprodukzio bikain honek jada lortu du Broadway-ko eta Londreseko West End-eko publikoak zerura bidaiatzea eta berriro itzultzea. Freskura, erritmoa gainezka eta eszenaratze ikusgarria, milaka ikusle zoriontsu sentitzea lortu duena.

Deloris gaztea, diba izan nahi duen abeslaria, hilketa baten lekuko izan da eta poliziak inolaz ere egon nahiko ez lukeen lekuan ezkutatzen du, komentu batean, alajaina!

Asaldatzaile eta inkonformista, Deloris-ek elkarte erlijiosoko bizimodu lasaia goitik behera aldatuko du eta lagun berrien mirespena eta maitasuna irabaziko ditu. Baina hori ez da aski izango bere iraganetik askatzeko…

Whoopi Goldberg aktorea protagonista duen SISTER ACT arrakasta handiko filmean oinarrituta, musikalak Motown, soul edo funk musika-estiloetan inspiratutako soinu-banda du.
Broadway-n duela 5 urte estreinatu zenetik, SISTER ACT musikalak epe labur horretan ibilbide luzea lortu du, hala nola, 12 herrialdetan antzeztu da eta 7 hizkuntza desberdinetara itzuli da. Guztira, mundu osoan, 4 milioi pertsona baino gehiagok ikusi dute.

SISTER ACT musikala datorren abuztuaren 20an hasiko da Bilboko Arriaga Antzokian, Aste Nagusiarekin bat eginez, eta irailaren 13ra arte izango da bertan.

– “Zoragarria!” (The Times).
– “Benetan aparta” (Time Out London).
– “Ikuskizun terapeutikoa” (El Mundo).

Whoopi Goldberg beraren hitzetan: SISTER ACT musikalak 2 orduko barreak, zoriontasuna eta giro bikaina ziurtatzen ditu.