Info Baldintza orokorrak

  • Erosketa egin ondoren, ikuskizun batera joateko eserlekuak ez dira ez aldatuko ezta itzuliko ere. Ikuskizuna bertan behera geratzea izango da eserlekuen dirua itzultzeko onartuko den zergati bakarra.

 

  • Abaguneek hala eskatzen badute, Arriaga Antzokiak emanaldiak bertan behera utzi, edo iragarritako egunak, ordutegiak, egitarauak eta antzezleak aldatu ahal izango ditu.

 

  • Ikus-entzuleek eta artistek merezi duten errespetua kontuan izanda, ahalik eta puntualtasun handiena eskatzen da. Ikus-entzuleei eta artistei zor zaien errespetua dela eta, emanaldia hasi ondoren ezin izango da aretora sartu, ezarritako atsedenaldietan izan ezik, arauek ez badute kontrakorik adierazten.

 

  • Telefono mugikorrak eta antzeko gailuak aretoan itzali edo isilarazi beharko dira, eta ezin izango da pantaila argiztaturik erabili. Antzezpenetan gailu horiek erabiltzeak aretotik kanporatzea ekar dezake, beharrezkoa izanez gero.

 

  • Ez dago baimenduta erretzea edo antzokira janariarekin, edariarekin edo arriskutsuak izan daitezkeen objektuekin sartzea.

 

  • Sarrerak beherapenen bat badu, hori adierazten duen agiria aurkeztea eskatu ahal izango da, egiaztapena egiteko.

 

  • Emanaldian ezin izango da argazkirik atera, filmatu edo grabatu.

 

  • Antolakuntzarekin, teknikarekin eta programazioarekin erlazionatutako zergati justifikatuak direla eta, Arriaga Antzokiak salduta dituen eserlekuak bereganatzeko eta bete batzuengatik aldatzeko eskubidea izango du.

 

  • Ez da baimenduko aretora hiru urtetik beherako umeak sartzea umeei zuzenduta ez dauden emanaldietan, adin horretarako gomendutako ikuskizunetan izan ezik.

 

  • Ez dago baimenduta barandatan berokiak, poltsak, eskuliburuak eta antzekoak uztea. Antzokiak jantziak gordetzeko zerbitzua du.

 

  • Ikus-entzule guztiek euren eserlekua erabiliko dute, eta emanaldiaren aurretik edo emanaldiak irauten duen bitartean ez da zutik egotea edo eserlekuz aldatzea baimenduko, Antzokiak bestelakorik adierazten ez badu.

 

  • Aretoaren ezaugarriak direla eta, eserleku batzuek emanaldia albotik edo gutxiago ikustea eragin dezakete, eta sartzeko hain erosoak ez diren eserlekuak daude. Ezaugarri horiek webgunean zehazten dira, eta baita sarreretako testuan ere.

 

  • Debekatuta dago eserlekuen birsalmenta. Antzokiak ez du inolako erantzukizunik izango salmenta edo webgune ez ofizialetan eskuratutako sarreren gainean, horiek ez baitute antzokira sartzeko eskubiderik emango.

 

  • Debekatuta dago animaliak Arriaga Antzokiko instalazioetara sartzea, gida-txakurra izan ezik.

 

  • Arriaga Antzokiak onarpen eskubidea du.

 

 

TOP