Info ETC ekimenak
ETC 2024ko Egonaldi Artistikoen Programa
Deialdia zabalik.
Eskaerak aurkezteko azken eguna: 2023ko urriaren 29a
European Theatre Convention ETCko kide denez, Antzoki Arriagak ETC sareari atxikitako Europako 6 antzoki publikotan egiten ari den deialdiaren berri ematen du.
ETC Artisten Egoitza Programak bere ibilbideen hasieran dauden antzerki-artistak (batez ere eszena-zuzendariak eta antzerkigileak) gonbidatzen ditu ETC-ko kide den antzoki batekin bat egitera, 4-8 asteko egonaldi bat eskatuta.
Hautatutako artistek beka bat jasoko dute eta antzerki-ekoizpen-prozesu baten sormen taldean sartuko dira, horrela lan-metodo berriei buruzko ezagutzak eskuratu eta Europako antzoki publiko baten egunerokotasuna eta egiturak ezagutzeko.
Egonaldia eskaintzen duten antzokiak hauek dira:
• Teatro do Noroeste – Centro Dramático de Viana (Portugal/Viana do Castelo)
• Göteborgs Stadsteater / Backa Teater (Sweden/Gothenburg)
• Slovak National Drama Theatre (Slovakia/Bratislava)
• Deutsches Theater Berlin (Germany/Berlin)
• Slovensko Narodno Gledališče Nova Gorica (Slovenia/Nova Gorica)
• National Theatre of Kosovo (Kosovo/Prishtina)
Antzerkigintza Berriak
Helburua dramaturgo berriei eta beste arte-arlo batzuetatik etorrita (literatura, zinema…) sorkuntza eszenikoan barrendu nahi dutenei antzerki-mundurako sarbidea erraztea da. Gasteizko Teatro Principal Antzokiak, Bilboko Arriaga Antzokiak eta Donostiako Victoria Eugenia Antzokiak sustatu dute ekimen hau.
Izena emateko epea gaur, urriak 2, ireki da eta urriaren 31n amaituko da. Hautaturiko pertsonek, gehienez ere zortzi, obra dramatiko bat garatu beharko dute bost hilabetean, arte eszenikoetako profesionalen gidaritzapean. Laborategi horiek 2024ko otsaila eta apirila bitartean egingo dira.
Hautaturiko pertsonek 3.300 €-ko diru-laguntza bat izango dute, proiektuan jardutearen eta laborategietako dieten truke.
ETC Online Liburutegia
European Theatre Convention (ETC) nazioarteko sareak bere liburutegi digitalean antzerkiaren esparruko artistentzat eta akademikoentzat balio handikoak izan daitezkeen dokumentuak jasotzen ditu. Arriaga Antzokitik, aipatutako sarearen parte izatearen ondorioz, dokumentazio baliotsu hau gure ingurune artistikoaren eskura jarri dezakegu.
Horrela, ETCren sareko liburutegi digitalak antzerki-liburu eta argitalpen, ikerketa, bideo, tresna eta emanaldi labur ugari ditu Europako antzerki komunitatearentzat. Webgunea bisitatzen dutenek erabilgarri dagoen edukia arakatu eta pdf dokumentuak deskargatu ditzakete, edo bideoak beren nabigatzaileetan ikusi. Bilaketari laguntzeko, iragazki batzuk zehaztu dituzte gaiaren, eduki motaren, dataren eta herrialdearen arabera.
Liburutegi birtualerako sarbidea doakoa da esteka honen bidez
Euskarazko testu garaikide baten hautaketa
European Theatre Convention (ETC) elkartearekin elkarlanean egiten dituen jarduerekin jarraituz, Arriaga Antzokiak deialdi bat zabaltzen du euskarazko testu garaikide bat hautatzeko. Hautatzen den testua, bestalde, Arriaga Antzokiak aurkeztu egingo du aipatu ETC sareak haren kideen artean deitzen duen dramaturgia berrien 2023ko deialdira.
Izan ere, European Theatre Conventionek, deialdi horren bidez, Europako dramaturgia garaikideko bi testu berriri emango die babesa, eta baita horiek 2023an nazioartean izango duten ibilbideari ere. Testu horiek Europako 50 antzokik eta jaialdik baino gehiagok osatutako sareko kideen artean zabalduko ditu, eta 1.500 euroko dirulaguntza emango du testu horiek ingelesera itzultzeko, Europako testu garaikide interesgarrien bilduma zabalduz.
ETCren deialdiaren oinarrietan argitaratutako hautagarritasun irizpideak honako hauek dira:
- Testuaren kalitatea
- Testuaren itzulpenak jatorrizko hizkuntza ez den beste hizkuntza bateko ikusleentzat funtzionatzeko duen ahalmena
- Argumentuak nazioarteko ikusleriarentzat izan dezakeen garrantzia
- Egilearen ibilbidea
- Egilearen ibilbidea nazioartekotzeko laguntza behar izatea.
ETCren deialdiko testu irabazleak ETCren hurrengo Nazioarteko Konferentziaren programazioaren parte izango dira. Konferentzia Opolen (Polonia) izango da, 2023ko maiatzean, eta bertaratutakoek irakurketa parte‑hartzailea egingo dute.
Arriaga Antzokian deialdian parte hartzeko baldintzak:
Euskarazko jatorrizko testuak amaituta egon behar du, baina ez beste hizkuntzetara itzulita.
Aurkeztu behar diren materialak:
- Argumentuaren laburpena (orrialde bat gehienez, ingelesez, pertsonaia nagusien aurkezpen batekin).
- Euskarazko testu osoa.
- Egilearen lan globalaren eta ordezkatzen duenaren deskribapena ingelesez.
- Egilearen biografia ingelesez (aurretik argitaratutako testuen zerrenda batekin)
- Aurkeztutako testuak Europako ikusleriarentzat duen garrantziaren azalpena (gai nagusiak barne, gehienez orrialde bat ingelesez).
Dokumentazioa abenduaren 26a (astelehena) baino lehen aurkeztu behar da, mezu elektroniko bat bidaliz international@teatroarriaga.eus helbidera.
Testuak jaso ondoren, Arriaga Antzokiak hautaketa prozesu bat egingo du ETC European Theatre Convention-eko Call for Texts 2023 programan aurkezteko testu bakarra aukeratzeko.
EMAKUME ZUZENDARIENTZAKO NETWORKING TALDEA
ETCko KIDE DIREN ANTZOKIEN INGURUKO EMAKUME ZUZENDARIAK ELKARTU EGITEN DIRA ESPERIENTZIAK PARTEKATZEKO.
Arriaga Antzokia ETC antzoki sarean sartu berri denez, aukerak zabaltzen dira gure erkidegoko artistek sare horrek antolatzen dituen jardueretan parte hartu ahal izateko.
Izena emateko epea zabalik.
Egin klik hemen: Deialdia argitaratuta
ETCko EMAKUME ZUZENDARIEN NETWORKING Taldea 2021eko udaberrian inauguratu zen, eta gune bat eskaintzen die ETCko kide diren antzokietatik gertuko eszena-zuzendariei eta zuzendari artistikoei, trukerako, eztabaidarako eta bateratzeko.
Izena eateko azken eguna azaroaren 22a da, asteartea. Horretarako, mezu elektroniko bat bidali behar zaio ETCko Hélène Gauthierri hgauthier@europeantheatre.eu, eta kopian international@teatroarriaga.eus jarrita.
Bilerak ingelesez egiten dira.
ETC Europako antzoki publikoen sare handiena da eta 30 herrialde baino gehiagoko 50 kide europar ditu, kulturaren sektore biziaren aniztasuna islatuz. ETC 1988an sortu zen, eta Europako antzerkia sustatzen du elkarrizketarako, demokraziarako eta interakziorako ezinbesteko plataforma gisa. Plataforma horrek, halaber, erantzun eta islatu egiten du, eta konpromisoa hartzen du gaur egungo ikusleria anitzarekin eta gizarte aldakorrarekin. ETCk antzerkiaren nozio inklusiboa sustatzen du, Europako gizarte-, hizkuntza- eta kultura-legatua Europako eta haragoko entzule eta komunitateei hurbilduz. ETCren gobernantza indartsu eta profesionalak sareak aurrera egitea eta haztea bermatzen du, azken joeren eta garapenen parametroetan lan eginez.
Egitasmo honek Europar Batasunaren Europa Sortzailea Programaren babesa du.
