MARISA MARTINS Y MIQUEL ORTEGA

Sarreren salmenta ekainaren 19etik goizeko 11:30ean.

XX. mendeko eta XXI. mendearen lehen laurden honetako lieder-sorkuntzaren barruan, Espainia, Frantzia eta Argentina nabarmendu dira, oro har, melodiarekiko fideltasunari eusteagatik, egileek erabilitako tratamendu harmonikoa gorabehera. Marisa Martinsen eta Miquel Ortegaren errezitaldi honek XX. mendeko hiru konpositoreren obrak hurbilduko dizkio publikoari. Ordena kronologikoan, Mompou, Poulenc eta Guastavino dira konpositoreok. Bestalde, XX. mendean jaiotako bi musikagileren piezak ere interpretatuko dira. Aurreko mendean obra asko sortu bazituzten ere, jardunean jarraitzen dute. Mariona Vila eta Miquel Ortega bera dira.

Dagoeneko gurekin ez dauden konpositoreei buruz dena esan da. Mompou, Poulenc eta Guastavino hiru egile handi dira, eta ondo merezitako lekua dute historian. Bizirik dauden egileei dagokienez, aipatzekoa da Mariona Vilaren obra —oso berria— Miquel Ortegak estreinatu zuela 2024ko abenduan, zikloaren helburu izan zen Víctor Jiménez Díaz kontratenorrarekin batera. Kontzertuari amaiera emateko, Miquel Ortegaren bi obra interpretatuko dituzte. Horietako batek Federico García Lorcaren lau testu biltzen ditu, eta 1990eko hamarkadan konposatu eta estreinatu zen. Azkenik, Urrezko Mendeko testuei buruzko zikloari dagokionez, 2018ko amaiera eta 2019ko hasiera bitartean konposatu zuen Ortegak, eta Jesús López Cobos de Toro Nazioarteko Jaialdian estreinatu zuten Conchi Moyano sopranoak eta Aurelio Viribay piano-joleak. Plazer handia izango da obra horiez guztiez gozatzea Marisa Martinsen ahotsaren eta Ortega maisuak pianoan erakusten duen dotoreziaren bidez.