TRIO MANZANARES

Trío MANZANARES hirukotean hiru instrumentista handi daude: Javier Colina kontrabaxu-jotzailea, Ariel Bringuez saxofoi-jotzailea —2021eko apirilean gure artean izen zen— eta Borja Barrueta bateria-jotzailea. Hirurak Madrilgo mendilerroan bizi dira, Guadarrama ibaiaren ertzean, elkarrengandik oso hurbil. Hortaz, ia naturaltasunez hurbildu ziren, eta musika-topaketa horien ondorioz euren proposamen artistikoa zehaztu zen apurka-apurka. Hala, taldeak harmonia esplizituko instrumenturik gabeko hirukote gisa jokatzea erabaki zuen, eta, pixkanaka, etiketarik gabeko errepertorio bat osatu zuen, jazz-konposizioak, kubatar musikako klasikoak, gnawa musika eta beste asko barne hartzen dituena. Musikari bakoitzak, askotariko ibilbidea duenez eta bere jatorriagatik, sonoritate paregabea sortzen du. Talde gisa, askatasunari ematen diote lehentasuna segurtasunaren gainetik, bi indar horien artean, musikan eta bizitzan, beti sortzen den etengabeko borrokan.

Trío Manzanares hirukotea sasoi betean iritsi da Arriaga Antzokira, zuzeneko emanaldietan orraztu baitu bere errepertorioa Madrilgo areto eta klubetan.