SHOCK 2 (LA TORMENTA Y LA GUERRA)

Shock 2 (la tormenta y la guerra) antzezlanarekin, Andrés Lima zuzendariak jarraipena eman dio Naomi Klein kazetariaren Shockaren doktrina lanean oinarritutako antzerki-ikerketa prozesu konplexuari, Shock 1 (El Cóndor y el Puma) antzezlanarekin Zuzendaritza Onenaren Max saria eskuratu ondoren. Shock 2 lanaren kontakizuna 80ko hamarkadan hasten da, Europan Margaret Thatcher eta AEBn Ronald Reagan buru izan zituen iraultza kontserbadorearekin, eta XXI. mendeko shock handiarekin amaitzen da, Espainiak parte hartu zuen Irakeko gerrarekin. Horretan datza Shock ikuskizuna, hausnarketa egitean, zenbateraino hartzen dugun parte gure historian, gure shocketan, gure kolpeetan, gure indarkerian.

Antzerkia zirrara da, erritmoa, harmonia, eta horixe da gure proposamena, gure ikuspuntua, galderak egiteko modua. Kazetaritza kritika da, dokumentua, hausnarketa, begiratzeko beste modu bat, eta ispilua ere bada, antzerkia bezala. Shock bien arteko uztarketa da.