SARA BARAS: VUELA

Sara Barasek «Vuela» aurkeztuko du, Paco de Lucíaren omenezko ikuskizuna, Ballet Flamenco Sara Baras konpainiaren, bere konpainiaren, 25. urteurrena ospatzeko.

Flamenko dantzariak, horrela, omenaldi hunkigarria egiten dio Paco de Lucíari, gitarraren jeinu ezin hobeari. Bi artistek partekatzen zuten errespetuan, txeran eta maitasunean oinarrituta, arreta handiz sortu da ikuskizuna, ahaztezina izateko eta beste behin Sara Baras bakarrik sortzeko gai den unibertso magikora eramateko.

Oraingoan, Algeciraseko jeinuari omenaldia egiteko erantzukizunari aurre eginez, bidaia koreografiko hau sortu du, 15 pieza paregaberekin. Horietako bakoitzak hitz bat hartuko du ardatz, etengabe mugitzen ari den lengoaia bati bizia emanez.

Ibilbide zirraragarri hau lau ekitalditan zatituta dago, eta bakoitzak narratiba boteretsu bat ehuntzen du. «Madera», gure erroen indarra eta gure izatearen barruko berotasuna gogorarazten diguna. «Mar», grinaz nabigatzera eta ura bezala mugitzera gonbidatzen gaituena. «Muerte», giza emozioak sakonenetik miatzeko modu bat. «Volar», korrika egin gabe ihes egiteko modu bakarra, besterik gabe ospakizunari eta alaitasunari jarraikiz: musikak, dantzak eta sentimenduek soilik eskain diezaguketen aukera.