LECTURA FÁCIL

Lau emakume tutoretzapean jarri dituzte ongizate-zerbitzu publikoek. Haietako batek ihes egin du, eta epaile bat du atzetik. Istorio benetan komiko eta tragikoa da, non gorputza baita guztiaren erdigunea, zapalkuntzaren lekua eta emantzipatzea ahalbidetzen duen toki bakarra.

Lectura fácil Cristina Moralesen izen bereko eleberriaren antzerkirako moldaketa da. Testuak Narratibako Sari Nazionala jaso du, eta dagoeneko hamabigarren edizioa argitaratu da. Liburutik eszenatokira igarotzean bere ahalmen sukoiari eutsi behar dio lehergailuak. Izan ere, bonba bat da testua, desgaitasunaren kontzeptua hankaz gora jartzeko eta bizidun orok bere burua gobernatzeko duen eskubidea aldarrikatzeko diseinatua, eta sistema bera helburu duena, zeinak ez baitu onartzen ahultasuna baldintza unibertsal gisa eta bizitzaren edozein adierazpen banatzen baitu gai denaren eta ezgai denaren artean, tutorearen eta tutoretzapekoaren artean, menderatzailearen eta menderatuaren artean.

Ezintasun organikoez harago, ezgaitasun politikoaz hitz egiten du testuak; alegia, gutako gehienok gure bizitza baldintzatzen duten erabaki handietan (hau da, gure bizitzan) parte hartzeko modurik ez dugun gizarte batean bizitzeak dakarren ezgaitasunaz.

Ikuskizun honek sexu eszena esplizituak ditu.
Ez da gomendatzen 16 urtetik beherakoentzat.