LA CUBANA: LA CUISINE DE MA COUSINE

La Cubana agertokietara itzuliko da, izenburu frantsestua duen “komedia ero” batekin. La cuisine de ma cousine (La cocina de mi prima) “sukaldaritzako melodrama” bat da (“made in” Cubana, bere erara egindakoa): oraingo honetan, gastronomiaren munduan murgiltzeko balioko digu eta, ohikoak dituzten osagaiak erabilita —umorea, musika, abestiak, kolorea, erritmoa, sorpresak, parte hartzea eta, oraingoan, baita bertako konplizitate handia ere—, azkenaldian guztiok hartu gaituen “zoramen gastronomiko” horretan barrenduko gara. Zoramena ez da soilik “aho txikientzat” egindako platerak dastatzean ongi jateagatik sortzen, baizik eta baita “itxurak egiteko” behar horregatik ere, denek jakin dezaten zer jaten ari garen eta non jaten ari garen. Arriaga Antzokia munduko gastronomiaren epizentro bihurtuko da udara honetan. Eta horixe da oraingoz esan dezakegun guztia…