+ Jon Koldo Vázquez

“Giza Inmunoeskasiaren Birus (GIB) eta bere ondorioa, HIESa, estigma dira oraindik ere gaixoentzat. Gaixotasun kronikoa izan arren, oso jende gutxik egiten du publiko bere egoera. Funtsean, sekula ez da izan hain negatiboa positibo izatea.

Esperientzia pertsonaletik abiatuta eta gaixotasun horrekin bizi diren pertsonen kontakizunak baliatuz, seropositibo baten eguneroko bizimodua ekarriko dut ikuslearen aurrera. Infekzioa ikusarazteko, tabuak hausteko eta aurpegia emateko.

Abenduaren 1ean aterako naiz GIBaren armairutik eta zuekin batera ospatuko dut. Seropositiboa naiz, eta positibo izatea da gorena. GORA PLUSA!” Jon Koldo Vázquez