CANCIÓN PARA VOLVER A CASA

Zer gertatzen da arrakastak elkartutako eta porrotak bereizitako emakumezko hiru «aktore ohi» berriro elkartzen direnean? Eta zer gertatzen da justiziatik ihes eginda dagoen eta antzerkigile eskoziar baten nortasuna hartu duen hipnotizatzaile bat haien bidean gurutzatzen bada? T de Teatre Denise Despeyroux egile eta zuzendariarekin elkartu da, umorez eta drama-zertzeladez jantzitako proposamen fantasioso hau antzezteko.

Renatak, krisi existentzial betean, Rita eta Greta limurtzen ditu bisita egitera joan daitezen Kataluniako herri urrun batean amak oinordetzan utzitako etxetzar zaharrera. Hogeita sei urte lehenago, Malcolm Logan antzerkigile eskoziarraren lehen arrakasta handiko protagonistak izan ziren hirurak; orain, ordea, ez dira ezer. Hiru lagunak berriz elkartzen direnean, beste bi gauza gertatzen dira aldi berean. Batetik, antzerkigile ospetsuak, betidanik gizartetik ihesi dabilen otso bakarti bat izan denak, bere ibilbidearen gailurrean erretiratzea erabaki du, eta basora bizitzera joatea. Beste batetik, Jonás hipnotizatzaile adituak eta Valentina haren laguntzaileak gertaera tragiko bat bizi izan dute, eta epaiketaren zain daude. Hiru lagunek eta bi iheslariek herriko tabernan topo egiten dutenean, Renatak ez du zalantzarik: begitarte atsekabea duen gizon hori Malcolm Logan da, eta konbentzitu egin behar dute haientzat azken eta behin betiko arrakasta idatz dezan. Bestalde, Jonásek, identitate-krisi betean, jenio ospetsu eta misteriotsu haren lekua hartzeko aprobetxatuko du aukera.