ALFREDO RODRIGUEZ trio

BJC Arriagan zikloak egungo nazioarteko artista garrantzitsuenetako bat aurkeztuko du Bilbon: Alfredo Rodriguez piano-jotzaile kubatarra. Rodriguezek Grammy sarietarako izendapena jaso du eta talentu handiko jazz-pianista bikaina da, Keith Jarrett, Thelonious Monk eta Art Tatum ospetsuen parekoa. Piano-jotzaile kubatarrak Habanako kontserbatorio klasiko zorrotzetan ikasi zuen. Haren arte liluragarriak herrialde horretako sustraiak eta jazza ditu oinarri, jakina, baina haren musikan nabari da beste konpositore batzuen eragina ere, hala nola Bachena edo Stravinskirena.

Quincy Jonesek deskubritu zuen, 2006ko Montreuxeko Jazzaldian. Hona hemen Rodriguez ondoen deskribatzen duten hitzak: jazzaren definizioa eta mugarik gabeko inprobisazioa.