Concierto – Espacio Foyer

50 AÑOS SIN EMMA CHACÓN

(Barcelona 1886 - Bilbao 1972)

Musikagile handi baten lan bikain bezain paradoxikoki ezezagun samarra aldarrikatzen duen kontzertua.

2022ko martxoaren 07a
Sarrerak erosi

Emma Chacón Bartzelonan jaio zen 1886. urtean. Burgesiako gazte bati zegokion prestakuntza jaso zuen. Granadosen ikasle kuttun izan zen, eta harmonia, kontrapuntua eta konposizioa ikasi zituen. 1912an Jose Riberarekin ezkondu eta Bilbora etorri zen bizitzera, senarra Kataluniako ehungintza-enpresa bateko ordezkaria baitzen. Hurrengo urteetan, bederatzi seme-alaba izan zituen Emmak, baina ez zuen musika alde batera utzi. Hori bai, modu desinteresatuan jardun zuen beti, profesional izateko asmorik gabe.

Konposizioari ekin zionean, garai hartan emakume musikagileei «uzten» zieten generoa landu zuen: ahotserako eta pianorako abestia eta pianorako pieza laburra. Helduaroan, dena den, orkestra-konposizioren bat ere idatzi zuen. Emmak ez zion inoiz utzi pianoa jotzeari eta konposatzeari. Etxean, piano-gela zuen berak, eta pintura-gela senarrak. Emmak piano-gela hartan jardun zuen, eta baita irratian, ongintzazko kontzertuetan eta antzekoetan ere. Bere lanak interpretatzen zituen, garai hartan ohikoa zenez.

Emmaren lanen balio musikala musikagile garaikideen obrena bestekoa da, edo handiagoa. Hala ere, ia ez dira ezagutzen, ez dira egitarauetan sartzen. 2022an, haren heriotzaren 50. urteurrena beteko da, eta une egokia izango da musikagileari merezi duen tokia aitortzeko. Emma Chacónen lanetako batzuk Inéditas. la voz invisible de las compositoras izeneko CDan daude jasota —2020an argitaratu zen—, eta horiek zuzenean entzuteko aukera izan genuen Bilboko Arriaga antzokian. Orain, kontzertu honi esker, haren legatua hobeto ezagutu ahal izango dugu; izan ere, Emma Chacón konpositore handiaren musika agertokian eskaini beharrekoa da, tiradera batean gordeta eduki gabe.


Taldea


Sopranoa: Eugenia Boix
Biolina: Annika Berscheid
Pianoa: Susana G. de Salazar Ubis
Dibulgatzailea: Mercedes Albaina

Saioak

7 - 19:30.

Prezioa

18€ /beherapenak

Arriagaren lagunek:
% 25etik % 35erainoko DESKONTUA.

Taldeek, gazteek, 65 urtetik gorakoek, langabetuek, familia ugariek eta % 33tik gorako desgaitasuna dutenek:
% 25eko DESKONTUA.

Azken orduko deskontua (aipaturiko kolektiboentzat, Arriagaren lagunentzat izan ezik):
% 50eko DESKONTUA

Azken orduko deskontua Arriagaren lagun gazteentzat:
% 70eko DESKONTUA.

Desgaitasuna duten pertsonek gurpil-aulkia badarabilte:
% 50eko DESKONTUA (eszenaurreko palkoan eta laguntzaile batekin).
TOP