Xabi Solano Maiza: Inpernuko

KONTZERTU HAU BERTAN BEHERA GERATU DA

Inpernuko emanaldia bertan behera geratu da musikari baten gaixotasuna dela-eta

 Bilbon, 2019ko martxoaren 15ean.- Kontzertuaren sustatzaileak Arriaga Antzokiari ezagutarazitakoaren ondorioz, Arriaga Antzokiak jakinarazi behar du etzi igandeko (hilak 17) Inpernuko  emanaldia bertan behera gelditu dela, Xabi Solano Maizaren taldeko musikari baten gaixotasuna dela-eta.

 Arriaga Antzokiak bere atsekabea adierazten du baliogabetzeak eragin ditzakeen eragozpenengatik, eta jakinarazten du dirua itzuliko diela Inpernuko emanaldirako sarrerak erosi dituzten pertsona guztiei, erosketarako erabili zen kanal berbera erabiliz.

************************

Antzokiko eszenatokia ilun dago baina ez ixilik. Iraganeko trikitilarien hotsen xuxurloa entzuten da gero eta ozenago. Hatzamarrak dantzarazi! Baserriko giroa, herri giroa, plaza giroa. Eskusoinuaren magia gure belarrietan sartu eta gure bizitzari irribarre bat eskaini zioten trikitilari guztiei omenaldia egitea da gure asmoa.

Esne zopak cd-ak izan zuen harrera onak bultzatuz eta Trikitixa ardatz bihurtuz, Felisa, Epelde, Iturbide, Landakanda, Laja, Epelarre, Etxeberritxo, Ospas, Xapre… ekarriko dugu gogora. Trikitixa liburua II-ko abestiak, Xabi Solanoren txikitako kontuak, Ereñotzuri eta bere familiari bihotz bihotzez eskerrak eman. Festa eskura ditugun disziplina ezberdinekin, dantza, Edu Muruamendiaraz eta Uxue Urruzola gidari izanik, irudiak, sketxak, DJaren energía eta musika zuzenean.