SIX EL MUSICAL

Nazioartean ezaguna da SIX musikala. Broadwayko, West Endeko, Australiako eta Kanadako gaur egungo eta etorkizuneko ekoizpenak ditu, eta birak egin ditu Estatu Batuetan, Erresuma Batuan eta Europan barrena. 2017an Edinburgoko Fringe jaialdian estreinatu zenetik, nazioarteko 35 sari irabazi ditu, besteak beste bi Tony sari. Izan ere, SIX musikala klasiko bihurtzen ari da bere musika harrigarri eta kutsakorrarekin —Tony sari bat irabazi du harengatik—, bere libreto adimentsuarekin eta formatu komertzial paregabearekin.

Toby Marlowk eta Lucy Mossek sortua da SIX el Musical obra, eta burua galaraziko dizu sei Tudor erreginen bizitzen berrinterpretazio kitzikatzaile batekin. SIX musikalean, Enrike VIII.a errege ingeles ezagunaren sei emazte ohiak —Aragón, Bolena, Seymour, Cléveris, Howardy Parr—, girl band gisa berrirudikatuak, elkarren artean lehian ariko dira musika-borroka betean, senar ohiaren aldetik traturik txarrena nork jaso zuen erabakitzeko. Emaitza: diven lehiaketa bat, bakarkako eta taldekako saio liluragarriekin. Mikrofonoaren indarrez, eta erritmoz, ironiaz eta karismaz beteriko saioekin, SIXeko erreginek agertokia hartuko dute, euren koroak berreskuratu eta euren historia berridazteko.