María Pagés Compañía: Una oda al tiempo

Una Oda al Tiempo oroimenarekin izan beharreko elkarrizketa bat da. Iragankortasunari, iraunkortasunari eta betierekotasunari buruzko koreografia flamenko bat, non, Platon, Marguerite Yourcenar, Jorge Luis Borges, John Cage, Octavio Paz, Heidegger, Marcel Duchamps, Pablo Neruda eta beste batzuen gogoetak txertatuz, María Pagések gogoeta egiten duen denborak gorputzean, desiran, artean nahiz bizitzan duen eragin atzeraezin gupidagabearen gainean.

Zortzi flamenko dantzarik (lau emakume eta lau gizon) eta zuzeneko zazpi musikarik lagunduta, María Pagés interakzioan jartzen da bere oroimen flamenkoarekin, tradizioa eta garaikidetasuna hausnartzeko.

Ikuskizun honek dei egiten dio konpainiako kide bakoitzari bere jatorrien garaira itzul dadin, bizitzeko zoriontasunaren garaira, euforiaren, maitasunaren, desiraren, edertasunaren… garaira, eta, era berean, malenkoniaren garaia ere kontatzen du, nor bere barnera biltzen den garaia, beldurrarena.