MARÍA PAGÉS COMPAÑÍA: PARAÍSO DE LOS NEGROS

Sarreren salmenta ekainaren 19etik goizeko 11:30ean.

Paraíso de los negros koreografia flamenkoak bere egiten ditu Federico García Lorcaren Poeta en Nueva York obra zeharkatzen duten askatasunaren eta agintearen printzipioen arteko tentsioa, Carl Van Vechtenen Nigger Heaven obrari darion aurkarien esentzia, Leopold Sedar Senghorren belztasunaren filosofia telurikoa eta Nina Simoneren desira beltzaren errebindikazioa. Hemen, oihartzun sistematikoki konplizea da belztasuna, non bere izaera asimetrikoak bahituta duen gizateriaren betiko gatazka berberek burrunba egiten duten.

Zoriontasunaren etengabeko bilaketari buruzko obra da Paraíso de los negros. Giza mugak aztertzen ditu, zeinek, hainbat aurpegiren itxura hartuz, desirarako eskubidearen bidea lokaztu eta kutsatzen duten; aukeramenaren arnasa bahitzen duten irudiak eta itxurak —beti likidoak eta helezinak— auskultatzen ditu, eta utopien lepoan gillotina bat bezala ezartzen diren hesiekin hitz egiten du, edo Bestea ikusezin bihurtzeko harresi gaindiezinak bezala altxatzen diren irudi, pentsamendu eta sentimenduekin. Bestea desiraren luzapen gisa hartuta, ez arerio gisa. Hemen, kolaz igurtzitako adaska batean harrapatuta dagoen txori bat da Lorcaren askatasun-printzipioa.