Kontzertuak

Kalaportu

Sarrionandiaren sormenarekin bat egiteko bide musikatu zirraragarria

2019ko Martxoaren 15a

Joseba Sarrionandiaren testuak sarritan bihurtu dira kantu. Ikuskari honek Sarrionandiaren testuekin sortutako kantuen bilduma plazaratuko du. Kalaportu sentikariak Iurretako poetaren sormen lurraldea kantuen bidez irudikatu nahi du. Horretarako hamaika kantari eta bi idazle bilduko ditugu Arriagako tauletan. Kontzertu poetikoa izango da, Sarrionandiaren sormenarekin bat egiteko bide musikatu zirraragarria.

Izen bereko poesiatik abiatzen den Gure Oroitzapenak egitasmoaren barruan kokatzen da emanaldi hau. Aurrena, film bat izango da, 12 zinegilek eginiko film kolektiboa. Bigarrenez, disko-liburu batek kantu eta testu poetikoak bilduko ditu. Eta azkenik, ikuskari hau: Kalaportu. Sarrionandiaren poesia musikatua eszenan jartzearekin batera LORALDIA festibalari hasiera emango zaio.

Loraldia


Taldea


Zuzendari artistikoa: Mireia Gabilondo

Musikariak: Mikel Urdangarin, Audience, Miren Narbaiza (MICE), Ines Osinaga, Dana

Xendarineko Ahizpak…

Idazleak: Uxue Alberdi, Harkaitz Cano

Ekoizpena: Loraldia Festibala

Saioak

19:30 

Prezioa

6,50 - 18 euro /beherapenak

Arriagako Lagunak: %25
Loraldia: %25
Taldeak, gazteak, 65 urtetik gorakoak, langabeak, familia ugaria eta %33tik gorako desgaitasuna duten pertsonak: % 20%
Desgaitasuna duten pertsonak, gurpil-aulkian daudenak: %50 (eszenaurrean, palkoan eta laguntzaile bat)

Iraupena

Ordu 1 eta 30 minutu

TOP