BORJA NISO DREAM EXPERIENCE

Sarreren salmenta ekainaren 19etik goizeko 11:30ean.

Borja Nisok pianoa, txeloa eta ahotsa uztartzen dituen ikuskizun berria sortu du, berritzailea eta murgiltzailea. Musikaren bidez, esperientziazko bidaia bat biziko duzu, pertsonaia fantastikoek lagunduta eta argi, soinu eta ikus-entzunezko proiekzio ikusgarriak dituen unibertso magiko batekin.

Piano-jotzaile eta konpositore autodidakta honek musika bihurtzen ditu emozioak. Gainera, haren berrasmatze-historiak 90.000 ikusle baino gehiago txunditu ditu, 400 kontzertu baino gehiagotan. Ludovico Einaudiri omenaldi berezia eginez hasi zuen ibilbidea; baina, laster, obra propioak konposatzen hasi zen, bere diskoetan ikus daitekeenez: Orígenes (2019), Horizontes (2021), Rhapsode (2023) eta Evolution (2024). Haren musika, dinamismoz eta emozioz betea, eta ikuskizun murgiltzaileak direla eta, esperientzia musikala beste maila batera eramateko gai izan den artista paregabe bihurtu da. Haren azken produkzio handiak, Borja Niso Dream Experience izenekoak, ametsak eta pasioa egia bihurtzen dituen soinu-unibertso batera eramaten du publikoa.

Izan ere, Borja Nisok asko hitz egin dezake amets handiei buruz. Borja ingeniaria da lanbidez, eta urte asko egin ditu enpresen errutinan sartuta; alabaina, 36 urte zituela, eta aldez aurretik inolako musika-esperientziarik ez zuela, bere bihotzaren deiari jarraitzea erabaki zuen. Bizitza osoan pianorik jo ez arren, bide autodidakta bat hartzea erabaki zuen, eta bide horrek bertute handiko piano-jotzaile, konpositore eta esperientzia musikal murgiltzaileen sortzaile bihurtu du. Eta amets horrek Arriaga Antzokiko agertokira eramango du orain.

Ikusle guztientzako ikuskizuna izango da, bereziki 6 urtetik gorakoentzat gomendatua.